സ്നേഹിക്കുന്നേശുവേ! ദാസൻ നിന്നെ
സ്നേഹിക്കുന്നുണ്മയിൽ നായകനേ!
ആ ജീവനാന്തമെൻ മാനസവേദിയിൽ
വന്നിടണം നീ പരനേ!
ക്രൂശിന്റെ കാഴ്ചയിൽ ശോഭിതമാം
സ്നേഹമാത്മാവിനാൽ ബോധിതനായ്
പ്രാപിച്ചു നിൻകൃപ പാപവിമോചനം
നിത്യസുഖം ശാശ്വതമായ്
ക്ലേശങ്ങളെന്റെ മേൽ വീഴുന്നിതാ
നാശമുണ്ടാംവിധം മാമലപോൽ
നീയല്ലോ മൽസഖി നീയെന്യേയില്ലെനി
ക്കാശ്രയമായ് ഈ ഗഡുവിൽ
മോഹിക്കുന്നേശുവേ എൻ ഹൃദയം
സ്നേഹത്തിൻ ദിവ്യമാം ജ്വാലയതാൽ
ദാഹിക്കുന്നെൻ മനം മോഹിക്കുന്നെൻ ബലം
ഘോഷിക്കുവാൻ നിൻ സുഗുണം.
