യേശുവിൻ സാക്ഷിയായ്
പോകുന്നു ഞാനിന്നു
ക്രൂശിൻ പാതയിൽ
ഹാ! എനിക്കെത്രയോ
യോഗ്യമതാകയാൽ
ഞാൻ മഹാ ഭാഗ്യവാൻ!
വിശ്വാസത്താലിന്നു പോകുന്നു ഞാൻ
സ്വന്ത ശാശ്വതനാട്ടിൽ
മന്നിൽ ഞാനന്യൻ ക്രിസ്തുവിൽ
ധന്യനെന്നതു നിർണ്ണയം
മന്നിൻ മഹികമകൾ മാന-
ധനാദികളെന്നിവയല്ല
ക്രിസ്തുവിൻ നിന്ദ നിത്യ
ധനമെന്നെണ്ണി പോകുന്നേൻ
ആശ്വാസദായകൻ വിശ്വാസ-
നായകൻ സത്പ്രകാശകൻ
പാതയിലെന്നും നല്ലൊളി
തന്നു നടത്തിടുന്നെന്നെ
പുത്തനാം ശാലേമിലെത്തിയെൻ
രാജനെ കാണും വേഗത്തിൽ
നിത്യസന്തോഷം ഗീതങ്ങളോടെ
തൻപാദം ചേരും ഞാൻ.
