ഭക്തരിൽ വാത്സല്യമുള്ള ദൈവമേ നിൻ പ്രിയനാമീ
മർത്യനിൽ കനിഞ്ഞു ശക്തി നൽകണം- ലോക
ശക്തിയെ ജയിച്ചു ജീവിച്ചിടുവാൻ
അന്ധകാരപ്രഭു തന്റെ തന്ത്രമോരോരോ വിധത്തിൽ
ചന്തമോടയച്ചിടുന്നു സന്തതം- എന്റെ
ബന്ധുവേ ചിന്തിക്കണം ഞാൻ നിൻ ഹിതം
ആരുമെൻ ജീവിതപാത തുച്ഛമാക്കിടാത്തവണ്ണം
കാര്യമായെൻ നില നിന്നിൽ കാക്കണം- എന്നിൽ
സാരമാം സൽഗുണങ്ങൾ വിളങ്ങണം
ക്രിസ്തുവിൻ പ്രത്യക്ഷത നാളെത്രയും വേഗത്തിലെന്ന-
ങ്ങോർത്തു ഞാൻ നിത്യവും കാത്തിരിക്കണം- നല്ല
ശ്രദ്ധയോടെൻ ജീവിതം നയിക്കണം.
