എന്നും ഉയർത്തിടുവാൻ എന്നും പുകഴ്ത്തിടുവാൻ
എന്നും പാടിടുവാൻ - നീ യോഗ്യനെ
നന്ദി നന്ദി നാഥാ അത്യുന്നതനാം ദേവാ
നിൻ നാമമെത്ര - വന്ദനീയമേ
എന്നെ സ്നേഹിച്ചു നീ സ്വന്ത ജീവനുമീ
ഏഴയ്ക്കേകിയതാം - വൻ ത്യാഗമേ
പാപച്ചേറ്റിൽ നിന്നുമെൻ പാദമുയർത്തിയവൻ
പാരിൽ നടത്തുന്നവൻ - നീയേകനേ
എന്നെ പൊന്നു മകനായ് മാറിലണച്ചവനേ
കണ്ണീർ തുടച്ചവനേ - എൻ പ്രിയനേ
വിണ്ണിൽ വീടൊരുക്കി വീട്ടിൽ ചേർത്തിടുവാൻ
വീണ്ടുംവന്നിടുന്ന - വിൺ നാഥനേ
