മഹിമയെഴും പരമേശാ!
പാഹിമാം യേശുമഹേശാ!
നിസ്തുല സ്നേഹ സാഗരമേ, ഹാ
പ്രസ്താവ്യമേ തിരുനാമം
ക്രിസ്തോ നീ താനെൻ വിശ്രാമം
കാർമുകിൽ ഭീകരമായ് വരുന്നേരം
കാണ്മതോ നിയമത്തിൻ വില്ലാ-
ണായതിൽ തീരുമെൻ ഭാരം
നിൻ മുഖകാന്തിയെൻ മ്ളാനത നീക്കും
നിൻ മധുരാമൃതവചനം
ഖിന്നതയാകവേ പോക്കും
സംഗതിയില്ലിളകീടുവാൻ സ്നേഹ-
ച്ചങ്ങലയാൽ തിരുമാർവ്വോ-
ടെന്നെയിണച്ചതു മൂലം
താവക സന്നിധി ചേർന്നതികാലേ
ജീവനിൽ നിറഞ്ഞെഴുന്നേൽക്കും
പാവന ചിന്തകളാലെ.
