മംഗളം ദേവദേവന്നു പ്രതിദിനവും
മംഗളം ദേവദേവന്നു
ഭംഗമില്ലാതെ പര മോന്നതനായുലകി-
ലെങ്ങും നിറഞ്ഞു മരുവും പരാപരന്നു
ജീവനില്ലാതിരുന്നോ രാദിജലമതിന്മേ-
ലാവസിച്ചുയിർ കൊടുത്ത പിതാമഹന്നു
ഏകജാതനാം തിരു സൂനുവെ ദയയോടു
ലോകരക്ഷയ്ക്കു നൽകിയ സുരാധിപന്നു
നീതിയോടിഹലോക ജീവിതം കഴിപ്പതി-
ന്നാവിതന്നനുഗ്രഹിക്കു മഖിലേശന്നു
ദേവനിവാസമായി ഭൂവിനെ ശരിയാക്കി
മേവുവാൻ കൃപയരുളും സനാതനന്നു.
