മംഗളമേകണമേ! മഹേശ്വരാ മംഗളമേകണമേ!
മംഗളമേകണമേ! നിരന്തരം ദമ്പതികളിവർക്കു
നിന്നുടെ സന്നിധിയിൽ
പ്രതിജ്ഞയാലിന്നു വിവാഹിതരായ്
തീർന്നവരാമിവർ മേൽ
അനുഗ്രഹം ഭംഗമെന്യേ പകർന്ന്
ഇന്നു മുതൽ കുടുംബ-
മായ് ജീവിതമൊന്നു ചേർന്നു തുടരാൻ
നിന്നുടെ സേവനത്തിൽ
തന്നെയിവർ നന്നായ് പുലർന്നിടുവാൻ
...........ഉം ...........ഉം
അനുകൂല സാഹചര്യങ്ങളിലും
പ്രതികൂല്യങ്ങളിലും ഒരുപോലെ
യോജിച്ചുനിന്നു കാണാൻ
സദ്വചനം പഠിച്ചും
നിരന്തരം പ്രാർത്ഥനയിൽ തുടർന്നും
കർത്താവിൻ ഭൃത്യരായി
കുടുംബമായ് സുസ്ഥിര-രായ് വസിപ്പാൻ
സത്യമണവാട്ടിയാം
നിൻസഭയെ ചേർത്തുകൊള്ളാൻ വരും നാൾ
കാത്തു പ്രത്യാശയോടെ
അനുദിനം പാർത്താലേ പാർത്തിടുവാൻ.
