കരുണാകരാ! ദൈവമേ!
വരമേകണേയീക്ഷണം
തിരുവേദവാക്കേവരും
ശരിയായ് ഗ്രഹിച്ചിടുവാൻ
മധുപോലെയല്ലേതിലും രസമേറുമീ ഭോജനം
സുധതന്നെയാം പൊന്നിലും
വിലകൂടുമാസാധനം
തിരുവാക്യമാരുള്ളിലോർത്തതു
നല്ലപോൽ കാത്തിടുന്നവനെപ്പോഴും
ദിവ്യമാമൊളിപൂണ്ടഹോ! നിന്നിടും
ബഹുദൂരമാം യാത്രയിൽ പിശകാതെ യീദാസരേ
വഴികാട്ടുവാൻ നിൻ വചസ്സുതകും പടിക്കേകണം
രിപുസഞ്ചയം പോരിനായിളകുന്നിതാ; ശാന്തിയും
ഭയവും കലർന്നുള്ളതാം
പ്രതിവാദമോതുവതിന്നു നീ.
