പരസീകർ വന്നു പാദം പണിഞ്ഞ രാജാവോ-യൂദ
രാജൻ ഭയന്നിളകിടുമാറുദിച്ച രാജാവേ!
1.പുൽക്കിടക്ക ധൂളിമത്തയാക്കും രാജാവേ!- തീരെ
ക്കീറ്റുതുണി പട്ടായ്ക്കാണും സ്വർഗ്ഗരാജാവേ!
2.വിണ്ണുലകും ദീപമേന്തിയുപചരിക്കുന്നു-നിന്റെ
പൊന്നുജന്മം ദൂതരെല്ലാം പാടി വാഴ്ത്തുന്നു
3.കിങ്ങിണികൾ കിലുക്കി ഗോക്കൾ മോദം കാട്ടുന്നു-ഭൂമി
മംഗളമാം വെൺപുടവ ധരിച്ചു മേവുന്നു
4.പഴയ പാമ്പിൻ തല തകർക്കാൻ ഭൂവിൽ വന്നോനെ-ലോകം
വഴിനടപ്പാൻ പുതിയ മാർഗ്ഗം തുറന്നു തന്നോനെ!
5.കഠിനരോഗം ത്സടിതി നീക്കി സുഖമരുളീടും ഭവാൻ
കൊടിയ കാറ്റിൻ പടുത നീക്കും നിജവചനത്താൽ
6.കുരിശിലുള്ള നിജമൃതിയാൽ മനുജമക്കൾക്കു-ഘോര-
നരകമതിന്നടിയിൽ നിന്നു വിടുതലേകിടും
7.ഏളിയവർക്കു നിറവരുളിത്തരുന്ന രാജാവേ- നിന്റെ
പിളർന്ന ചങ്കിൽ മറയുവതിനരുൾക രാജാവേ!
