എണ്ണി എണ്ണി സ്തുതിച്ചിടും ഞാൻ
നിന്റെ നന്മകളോർത്തുകൊണ്ട് (2)
നിന്റെ പ്രവൃത്തികൾ അത്ഭുതമേ
നിൻക്രിയകൾ അവർണ്ണ്യമഹോ....
ദൈവം എന്നിൽ എന്തു കണ്ടു
എന്നെ തൻ മകനാക്കിടുവാൻ (2)
പാപിയായ എന്നെയുമോർത്ത് (2)
കാൽവറിയിൽ യാഗമായ്
ഈ ലോകജീവിത യാത്രയതിൽ
ശക്തമാം തിരമാല വന്നിടിലും (2)
ശാന്തമാക്കാൻ ശക്തനാം ദൈവം (2)
എന്നുമെന്റെ കൂടെയുണ്ട്
കർത്താവു താൻ വേഗം വന്നിടുമേ
നമ്മെ തൻസവിധേ ചേർത്തിടുവാൻ (2)
നിത്യസന്തോഷം ഭക്തർക്കു നൽകി (2)
നിത്യവും തന്നരികിൽ വസിച്ചിടുവാൻ.
