കരുണയുള്ള കർത്താവിനെ
കീർത്തിച്ചിടും ഞാനെന്നായുസ്സെല്ലാം
അവനെന്റെ രക്ഷകനാം
അതിക്രമം ക്ഷമിച്ചവനാം
ആ ദിവ്യസ്നേഹത്തിൻ പൊൻകരത്താൽ
അകൃത്യങ്ങൾ മായിച്ചവനെന്നേക്കുമായ്
പാപങ്ങൾ നീക്കിടുവാൻ പാടുകൾ
സഹിച്ചവൻ താൻ
കാൽവറി ക്രൂശതിൽ യാഗമായി
പാപങ്ങൾ പോക്കിയ നാഥനവൻ
വിഷമതകൾ നേരിടുമ്പോൾ
വിമലജൻ താങ്ങിടുമേ
വിപത്തിലും വിജയമായി നടത്തിടുവാൻ
വിരുതുള്ള നായകനെൻ പരൻ താൻ.
