സ്നേഹത്തിൻ ദീപമാം യേശുവെന്നിൽ
വന്നതെന്തത്ഭുതമേ!
അത്യഗാധം അതുല്യമാണേ
അസാദ്ധ്യം വർണ്ണിച്ചിടാൻ
കീർത്തിക്കും ഞാനെന്നും സോദരരോടൊത്ത്
തൻതിരുനാമത്തെയും ഓർത്തു സ്തുതിച്ചിടും
ആർത്തിയാലേഴയെ ചേർത്തതൻ
സ്നേഹത്തിന്നായ്
പാപിയാമെന്നുടെ പാതകം പോക്കുവാൻ
പാപമാക്കപ്പെട്ടോനെ
പാരിതിൽ പാർക്കിലും പാടി സ്തുതിച്ചിടും
ഭാരങ്ങളോർത്തിടാതെ
പൊളളയാണൂഴിയിലുള്ളതെല്ലാ-
മെനിക്കില്ലതിലാശ തെല്ലും
വല്ലഭൻ താനെന്നുള്ളിലുണ്ടാക-
യാലില്ല നിരാശ തെല്ലും
മേഘത്തിൽ വന്നിടും നാഥനിൻ
ചാരത്ത് വേഗം ഞാനെത്തിടുമേ
നീറുമെൻ മാനസം മാറി ഞാൻ മോദമായ്
വാഴും തൻ സന്നിധിയിൽ.
