വരുവിൻ മുദാ സോദരരേ! നിങ്ങൾ
വരുവിൻ ആയുധസംയുതരായ്
യെരുശലേം മതിൽ പണിതുയർത്തിടാം
നാമിനി നിന്ദിതരാകാതെ
രാവും പകലുമെല്ലാം നമ്മൾ
ആയുധപാണികളായിടണം
അരികിലുണ്ടരിവരർ പണിമുടക്കാനെ-
ന്നതറിഞ്ഞു നാം നിൽക്കേണം
അന്യോന്യം ധൈര്യമേകി നമ്മൾ
ഐക്യമായി നിന്നു വേലചെയ്താൽ
പരിഹാസ പ്രഭൃതികൾ പരിഭ്രമി-
ച്ചോടിടും ജയം നമ്മൾ നേടിടും
ശ്രേഷ്ഠജനങ്ങൾ ആരും കർത്തൃ-
വേലക്കു ചുമൽ കൊടുത്തില്ലെങ്കിലും
എളിയവർക്കാശ്രയമരുളിടും
നായകൻ അരികിലുണ്ടനുഗ്രഹിപ്പാൻ
കണ്ണീരിൽ നമ്മൾ വിതച്ചാൽ
നല്ല കറ്റകൾ കൊയ്തിടുമാർപ്പോടെ
കരയുന്ന കണ്ണുകൾ തുവർന്നിടും
നാളിനിയധികമകലമല്ല.
