കർത്താവേയേകണമേ - നിന്റെ കൃപ
നിത്യമീ ദാസനു നീ
ജീവിതപാതയിൽ വീണുപോകാതെന്നും
ഈ ലോകേ കാക്കേണമേ - കൃപാനിധേ
താവക ദാസനെയും
ശോധനവേളയിൽ ആകുലനാകാതെ
നാഥാ! കരുതേണമേ - അനുദിനം
താവകദാസനെയും
ക്ഷീണിച്ചിടാതെയെൻ ഓട്ടം തികയ്ക്കുവാൻ
ത്രാണിയേകിടണമേ - ദയാപരാ!
ദാസനാമീയെനിക്കു
നൽകുന്ന ഭാരങ്ങൾ താങ്ങിടുവാനായി
നല്ല കരുത്തു നൽകി - താങ്ങേണമേ
താവകദാസനെയും
എൻ മനോഭാരങ്ങൾ നീക്കിടുവാൻ ബലം
എൻമനസ്സിന്നു നൽകി - പാലിക്കണേ
താവകദാസനെയും
ദുഃഖസമുദ്രത്തിൽ ആഴ്ത്തിക്കളഞ്ഞിടും
വൻകാറ്റിൽനിന്നുമെന്നും - കാക്കേണമേ
താവകദാസനെയും.
