എളിയവർ നിലവിളിച്ചാലതിനെ
അലിവോടു ശ്രവിച്ചിടും പാലകനേ
നീതികേടു നിറഞ്ഞിടുകയാൽ
ഭീതിയോടു കരഞ്ഞീയുലകിൽ
വസിക്കുന്ന ജനങ്ങൾ രസിക്കുന്ന ദിനങ്ങൾ
കൊതിച്ചിടുന്നതിന്നിനി താമസമോ?
താണു താണു നീ കുരിശിൽ വരെയും
കേണു കേണു നീ പ്രാണൻ വെടിഞ്ഞു
തവചുവടുകളെയനുഗമിപ്പവർക്കീ-
യവനിയിലവശതയവകാശമാം
നീ മഹോന്നതനാമം ധരിച്ചു
ഭൂമി വാണിടും കാലമടുത്തു
ഇന്നിവിടേറ്റം ഖിന്നതയേറ്റോർ-
ക്കുന്നത പദവികളന്നു തരും.
