ജീവന്റെ ഉറവിടമേ എന്റെ ആശ്രയസങ്കേതമേ!
ജീവന്റെ പുതുക്കത്തിൽ ഞാൻ
ദിനം നടക്കുവാൻ കൃപതരിക
കൃപതരിക കൃപതരിക
ദിനംതോറും തന്നിടുക
ഈ ഘോരഭൂവിൽ യാത്ര ചെയ്‌വാൻ
ദൈവകൃപതരിക
ശാശ്വതപർവ്വതവും എന്റെ
ആശ്വാസസങ്കേതവും
കണ്ണുകളുയർത്തിക്കൊണ്ട്
പ്രിയാ നിന്നെ ഞാൻ നോക്കിടുന്നു
കഷ്ടതഭാരങ്ങളും എന്റെ
ജീവിതത്തെ അലച്ചാൽ
പതറാതെ മുന്നേറുവാൻ
ഈ മരുവിൽ നിൻകൃപ തരിക
ജീവിതപാതകളിൽ എന്റെ
കാലുകൾ വഴുതിടാതെ
അന്ത്യം വരെ ഗമിപ്പാൻ
നിന്റെ അമിതബലം തരിക.
